نئی گاڑیاں بک کروانےکیلئے ایک نئی مشکل کھڑی ہوگئی۔۔پہلے ہی کمپنیوں نےگاڑیاں تاخیر سےسپلائی کرنے کی روایت برقرار رکھی ہے وہیں ان گاڑیوں کو شوروم اور ڈیلرزتک پہنچانے والےکارکیرئیر ٹرانسپورٹرز نے گاڑیاں کمپنی سےاٹھانےسےانکار کرتےہوئے ملک گیر ہڑتال کر دی ہے۔
کمپنی سے زیرو میٹر نئی اور قیمتی گاڑیاں کارڈیلرزاور شوروم تک نہیں پہنچ سکیں گی کیونکہ کار کیریئیر ایسوسی ایشن نے ملک گیر سطح پرگاڑیوں کی لوڈنگ کا کام بند کرتے ہوئے ہڑتال کر دی ہے۔
صدر آل پاکستان کار کیرئیر ایسوسی ایشن امداد حسین کا کہنا ہے کہ کروڑوں روپے مالیت کی قیمتی گاڑیاں ملزمان نے ٹرالرسے چھینناشروع کردی ہیں اس صورتحال میں موٹروے، ہائیوے پولیس سمیت رینجرز پولیس اور گورنر تک سے رابطہ کیا لیکن واقعات پےدرپے ہو رہے ہیں اگر مطالبات نہ مانےگئےتو 72گھنٹوں بعد گڈزٹرانسپورٹ کی سپلائی معطل کریں گے۔
آل پاکستان کار کیرئیر ایسوسی ایشن کا دعوی ہے کہ ہمارےکار کیریر کے عملہ کو ڈبل کیبن والوں نے اغواء کیا اور کنڈیارو میں 2برینڈ نیو لینڈکروزر لے کر فرار ہوگئے اٹھائی جانے والی گاڑیوں میں ایک ترکش ایمبیسی کی نام پر رجسٹر تھی جبکہ دوسری گاڑی ایک سینیٹر کے نام پر بک کرائی گئی تھی۔
