متحدہ عرب امارات میں ادویات کی خریداری سے متعلق نیا قانون لاگو dubai
The news is by your side.

Advertisement

متحدہ عرب امارات میں ادویات کی خریداری سے متعلق نیا قانون لاگو

دبئی : متحدہ عرب امارات کی وزرات صحت نے نیا قانون جاری کرتے ہوئے بغیر نسخے کے اینٹی بایوٹک دواؤں کی فروخت پر پابندی عائد کردی ہے۔

اس بات کا اعلان ڈاکٹر امین حسین الامیری نے ایک پریس ریلیز میں کیا، ڈاکٹر امین متحدہ عرب امارات کی وزرات صحت کے معاون سیکرٹری برائے عوامی پالیسی اور ڈرگ لائسننگ ہیں۔

اس موقع پر انہوں نے بتایا کہ یہ قانون عالمی صحت کی تنظیم ورلڈ ہیلتھ آرگنائزیشن کی رپورٹس کی روشنی میں تیار میں کیا گیا جس کے مطابق اینٹی بایوٹک کے بے جا استعمال کے باعث بیماری کا سبب بننے والے بیکٹریاز نے دواؤں کے خلاف مزاحمت حاصل کرلی ہے۔

انہوں نے مزید بتایا کہ اس وجہ سے اینٹی بیکٹریل دوائیں غیر موثر ہو گئی ہیں چنانچہ مریض دوائیں لینے کے باوجود جلد صحت یاب نہیں ہوپاتے اور اس صورت حال کی بنیادی وجہ ڈاکٹری نسخے کے بغیر ادویات کا بے دریغ استعمال کرنا ہے۔

ڈاکٹر امین الامیری نے کہا کہ دنیا بھر سے حاصل کردہ اعداد و شمار بھی یہ بتاتے ہیں کہ 50 سے 80 فیصد بیماری پھیلانے والے جراثیم نے دواؤں کے خلاف مزاحمت پیدا کرلی ہیں اور وہ بآسانی دواؤں کو برداشت کر لیتے ہیں۔

سیکرٹری صحت کا مزید کہنا تھا کہ اسی بات کے پیش نظر یہ قانون مرتب کیا گیا ہے جس کے اطلاق کے لیے فارمسٹس کو خصوصی ہدایات جاری کردی ہیں جس کے بعد بغیر ڈاکٹری نسخے کے دواؤں کی فروخت پر جرمانہ بھی عائد ہوسکتا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں