کراچی: کے الیکٹرک نے شہر میں جاری بجلی کے شارٹ فال پر قابو پانے کے لیے اپنا نیا لوڈشیڈنگ کا پلان جاری کر دیا۔ اس نئی پالیسی کے تحت مستثنی علاقوں میں 3 گھنٹے کی لوڈشیڈنگ کی جائے گی۔
موجودہ لوڈشیڈنگ سے متعلق میڈیا کو جاری بیان میں کمپنی نے کہا کہ نیا منصوبہ ان علاقوں کو 1-2 گھنٹے کا ریلیف فراہم کرے گا جو اس وقت متاثر ہیں۔
نیا لوڈ شیڈ شیڈول کے ای کی ویب سائٹ، کے لائیو ایپ اور کے ای واٹس ایپ سیلف سروس پورٹل کے ذریعے حاصل کیا جا سکتا ہے۔ کے ای کی 8119 سروس کے ساتھ رجسٹرڈ صارفین جو اس تبدیلی سے متاثر ہو سکتے ہیں انہیں بھی ایس ایم ایس کے ذریعے مطلع کیا جا رہا ہے۔
- Advertisement -
کے الیکٹرک اس غیر معمولی صورتحال کی وجہ سے صارفین کو ہونے والی زحمت کے لیے معذرت خواہ ہے اور حالات کی بہتری کے لیے ہر ممکن اقدامات اٹھا رہی ہے۔
