بچوں کی موجیں ! تعلیمی اداروں کے نئے اوقات کار کا اعلان

لاہور : پنجاب حکومت نے سردی کے باعث صوبے بھر کے تعلیمی اداروں میں نئے اوقات کار کا اعلان کردیا، جس کے تحت آج اسکول ساڑھے 9 بجے کھلے۔

تفصیلات کے مطابق پنجاب بھر میں اسکولوں میں موسم سرما کی تعطیلات ختم ہونے کے بعد اسکول کھل گئے، بچے صبح صبح شدید سردی میں اسکول پہنچے۔

حکومت نے سردی کے باعث صوبے بھر کے تعلیمی اداروں کے اوقات کار میں تبدیلی کی، جس کے تحت صوبے بھر کے تعلیمی ادارے ساڑھے 9 بجے کھلیں گے۔

یاد رہے اسکولوں میں 18 دسمبر سےیکم جنوری تک موسم سرماکی تعطیلات تھیں تاہم اسموگ اور سردی میں شدت کےباعث تعطیلات کو 9جنوری تک بڑھادیا گیا تھا۔

Comments