کراچی میں اگلے 2 روز ہلکی بارش کا امکان -
The news is by your side.

Advertisement

کراچی میں اگلے 2 روز ہلکی بارش کا امکان

کراچی: آج رات صوبہ سندھ میں مون سون کا سسٹم داخل ہوگا جس کے بعد کراچی میں بھی اگلے 2 روز تک ابر رحمت برسنے کا امکان ہے۔

تفصیلات کے مطابق محکمہ موسمیات کا کہنا ہے کہ مون سون کا سسٹم آج رات سندھ میں داخل ہوگا جس کے بعد ساحلی پٹی بدین، ٹھٹھہ اور تھر پارکر میں تیز بارش کا امکان ہے۔

ڈائریکٹر محکمہ موسمیات کے مطابق مون سون کا سسٹم سندھ میں 2 دن تک موجود رہے گا۔

کراچی میں نئے سسٹم کے تحت تیز بارش کا امکان نہیں تاہم آئندہ 2 روز کراچی کے مختلف علاقوں میں ہلکی بارش ہوسکتی ہے۔

بارش کے باعث کراچی کے درجہ حرارت میں کمی کا امکان بھی ہے۔

محکمہ موسمیات کے مطابق مون سون کا نیاسسٹم اتوار کی رات تک ختم ہوجائے گا۔

Comments

comments

یہ بھی پڑھیں