لاہور : ماہ رمضان کیلئے اسکول وکالجز کے نئے اوقات کار جاری کردیئے گئے، جس کے تحت اسکول و کالجز صبح 8 بجے کھلیں گے اور دوپہر 12 بجے چھٹی ہوگی۔
تفصیلات کے مطابق پنجاب میں محکمہ خصوصی تعلیم کی جانب سے ماہ رمضان کیلئے اسکول وکالجز کے نئے اوقات کار جاری کردیئے گئے۔
سیکرٹری اسپیشل ایجوکیشن نے خصوصی تعلیمی اداروں کے اوقات کار کا نوٹیفکیشن جاری کیا۔
جس کے تحت اسکول و کالجز صبح 8 بجے کھلیں گے اور دوپہر 12 بجے چھٹی ہوگی جبکہ جمعہ کے روز تعلیمی اداروں میں 11 بجے چھٹی ہوگی۔
یاد رہے پنجاب میں رمضان المبارک میں اسکولوں کے اوقات کار میں 2 گھنٹے کمی کا فیصلہ کیا گیا تھا۔
خیال رہے رمضان کے مقدس مہینے میں اسکول اور دفتر کے اوقات کم کردیئے جاتے ہیں۔
واضح رہے محکمہ موسمیات نے پاکستان میں رمضان المبارک کا چاند کل نظر آنے کے امکانات ظاہر کئے ہیں، کل چاند نظر آنے کی صورت میں پہلا روزہ اتوار 3 اپریل کو ہوگا۔
