سوشل نیٹ ورکنگ سروس ٹوئٹر نے صارفین کے لیے نئے ضابطوں کا اعلان کر دیا۔
ٹوئٹر نے رضامندی کےبغیر کسی کی تصویر یا ویڈیو شیئر کرنے پر پابندی لگا دی۔ نیاقانون بھارتی نژاد کےسی ای او کا عہدہ سنبھالنےکے ایک دن بعد نافذ کیا گیا ہے۔
عوامی شخصیات کےعلاوہ تصویر یا ویڈیو رضامندی کے بغیر شیئر کرنے پر پابندی ہو گی۔ نئےضابطوں کے مطابق کوئی شخص ٹوئٹر کو اپنی تصویر یا ویڈیو ہٹانےکا کہہ سکتا ہے۔
ٹوئٹر نے واضح کیا ہے کہ کوئی شخص کہے کہ تصویر یا ویڈیو اجازت کے بغیر شیئر کی گئی توہٹادی جائےگی۔
سٹی یونیورسٹی نیویارک میں صحافت کے پروفیسر جیف جارویز نے نئی پالیسی کی وضاحت کا مطالبہ کرتے ہوئے سوال پوچھا ہے کہ کسی کنسرٹ کی تصویر شیئر کروں تو کیا مجھےہر شخص سےپوچھنا ہو گا؟
بھارتی نژاد پراگ اگروال نے معروف مائیکروبلاگنگ ویب سائٹ ٹوئٹر کے نئے چیف ایگزیکٹو کی ذمہ داریاں سنبھال لی ہیں۔ پراگ اگروال ٹوئٹر میں بحیثیت چیف ٹیکنیکل آفیسر خدمات سرانجام دے رہے تھے۔
خیال رہے کہ دو روز قبل ٹوئٹر کے چیف ایگزیکٹو جیک ڈورسی نے مستعفی ہونے کا اعلان کیا تھا تاہم وہ 2022 میں اپنی مدت ختم ہونے تک بورڈ کا حصّہ رہیں گے۔