The news is by your side.

Advertisement

نیا تعلیمی سال: سعودی طلبا کیلئے بہترین اقدامات

ریاض: سعودی عرب میں نئے تعلیمی سال کے آغاز سے طلبا کے لیے ٹرانسپورٹ سروس کی تیاری مکمل کرلی گئی۔

عرب میڈیا کی رپورٹ کے مطابق سعودی وزارت تعلیم کے اسکولوں کیلئے ٹرانسپورٹ فراہم کرنے والی کمپنی تطویر ایجوکیشنل ٹرانسپورٹیشن سروسز کمپنی (ٹی ٹی سی) نے اپنی تیاریاں مکمل کرلیں۔

کمپنی نئے تعلیمی سال سے طلبا کو اپنی بہترین سروس فراہم کرے گی، طالب علموں کو اسکولوں تک پہنچانے کی خدمات کو اعلیٰ معیار کے مطابق ڈھالا گیا ہے۔

رپورٹ میں بتایا گیا کہ خدمات مہیا کرنے والی کمپنی نے سعودی عرب میں تعلیمی ڈائریکٹوریٹس کے تعاون سے اسکول ٹرانسپورٹ کے مربوط منصوبے کا اعلان کیا ہے تاکہ طلبا کو محفوظ اور آرام دہ سہولتیں مہیا کی جا سکیں۔

ٹرنسپورٹیشن سروسز کمپنی کا کہنا ہے کہ ہم نے اپنی آپریشنل کارکردگی بڑھانے اورسیٹوں کے زیادہ سے زیادہ استعمال کو یقینی بنانے کے لیے مختلف اقدامات کیے ہیں۔

سعودی فرمانروا کی ‘شاہی منظوری’ جاری!

یہ کمپنی سعودی عرب میں 21 ہزار اسکولوں میں 12 لاکھ طلبا کو اپنی سروس فراہم کرتی ہے، اس مشن کے لیے 30 ہزار گاڑیاں کام کررہی ہیں، معذور طلبا کے لیے بھی خصوصی انتظامات کیے گئے ہیں۔

ادھر خادم حرمین شریفین شاہ سلمان بن عبدالعزیز نے نئے تعلیمی سال سے اسکولوں میں طلبا کی حاضری کی شاہی منظوری جاری کردی ہے۔

سعودی فرمانروا کی جانب سے شاہی منظوری ملنے پر اسکولوں میں طالب علموں کی آمد یقینی بنائی جائے گی، سعودی عرب میں رواں ماہ کے آخر سے نئے تعلیمی سال کا اغاز ہونے جارہا ہے، 12 سال اور اس سے زیادہ عمر کے طلبا کی حاضری کے لیے شاہی منظوری جاری ہوئی ہے۔

Comments

یہ بھی پڑھیں