The news is by your side.

Advertisement

امریکی ماں نے نومولود بچہ کچرے میں پھینک دیا

امریکا میں 21 سالہ ماں نے اپنا نومولود بچہ کچرے کے ڈبے میں پھینک دیا، پولیس نے ماں کو حراست میں لے لیا جبکہ بچے کو محفوظ مقام پر متقل کردیا گیا۔

یہ واقعہ امریکی ریاست نارتھ کیرولینا میں پیش آیا جہاں 21 سالہ ماں نے مبینہ طور پر اپنے نومولود کو کچرے کی نذر کردیا۔

نومولود کو سب سے پہلے ایک خاتون نے دریافت کیا جو اپنے کتے کو ٹہلانے کے لیے وہاں سے گزر رہی تھیں، انہوں نے کچرے کے ڈرم میں بچے کے رونے کی آواز سنی تو911 کو کال کی۔

پولیس کے آنے سے قبل ہی وہ نومولود کو کچرے سے نکال چکی تھیں۔ خوش قسمتی سے بچہ محفوظ رہا اور اسے کوئی چوٹ نہیں پہنچی۔ نومولود کو بچوں کے حفاظتی ادارے کی تحویل میں دے دیا گیا۔

پولیس نے ماں پر اقدام قتل کی دفعات عائد کی ہیں، بذریعہ ویڈیو عدالت کے سامنے پیش کیے جانے پر ماں نے وکیل فراہم کرنے کی درخواست کی ہے۔

Comments

یہ بھی پڑھیں