سوشل میڈیا پر ایک ویڈیو وائرل ہورہی ہے جس میں ایک نوزائیڈہ بچے نے ہاتھوں میں ٹرے کو اٹھایا ہوا ہے، بھارتی صارفین نے اسے چندریان تھری کے چاند پر پہنچنے سے جوڑ دیا۔
ویڈیو ایک آپریشن ٹھیٹر کی ہے جس میں نرس نے بچے کو الٹا اٹھایا ہوا ہے جب کہ نومولود نے اپنے ہاتھوں میں سلور رنگ کی ٹرے کو جکڑا ہوا ہے، نرس کی جانب سے بچے کو ہلانے کے باوجود وہ ٹرے کو مضبوطی سے جکڑے ہوئے ہے۔
فوٹیج میں دیکھا جاسکتا ہے کہ فوری پیدا ہونے والے ننھے بچے کے اس عمل نے وہاں موجود طبی عملے اور نرسز کو بھی حیرانی میں مبتلا کردیا ہے۔
بچے کے پیدا ہونے کے بعد طبی نقطہ نگاہ سے اسے دونوں ہاتھوں سے پکڑ کر الٹا ہوا میں معلق کیا جاتا ہے، جب تھیٹر میں موجود خاتون نے بھی بچے کے ساتھ ایسا ہی عمل کیا تو نوزائیدہ کا ہاتھ وہاں پڑے ایک ٹرے پر پڑا اور اس نے اسے مضبوظی سے پکڑ لیا۔
https://twitter.com/bhakttrilokika/status/1694585450814734721?ref_src=twsrc%5Etfw%7Ctwcamp%5Etweetembed%7Ctwterm%5E1694585450814734721%7Ctwgr%5E86fb1d3c491b8db174d5bb58660f4f3930b9ef4d%7Ctwcon%5Es1_c10&ref_url=https%3A%2F%2Fwww.timesnownews.com%2Fviral%2Fviral-video-shows-newborn-baby-lifting-tray-with-hands-netizens-relate-it-to-chandrayaan-3-article-103083786
سابقہ ٹوئٹر اور موجود ایکس پر شیئر کی جانے والی ویڈیو کو ’فائیو جی لانچ بوائے‘ کا نام دیا گیا ہے جب کہ تھوڑی ہی دیر میں اس 5 لاکھ سے زائد لوگ دیکھ چکے ہیں۔
ایک صارف نے لکھا کہ چندریان تھری کے چاند پر پہنچتے ہی بھارت میں حقیقی بہوبلی کا جنم ہوگیا، کچھ صارفین نے نرس پر ناراضگی کا بھی اظہار کیا کہ اس نے بچے کو کیوں گھمایا۔
