سربراہ ادارہ شماریات ڈاکٹر نعیم ظفر کا کہنا ہے کہ اگلا الیکشن نئی مردم شماری پر ہی ہوگا، حلقہ بندیوں پر کام جلد شروع ہوجائے گا۔
اے آر وائی کی خصوصی نشریات میں میزبان وسیم بادامی سے گفتگو کرتے ہوئے سربراہ ادارہ شماریات ڈاکٹر نعیم ظفر کا کہنا تھا کہ ڈیجیٹل مردم شماری کا تمام عمل مکمل ہوچکا ہے، حلقہ بندیوں پر کام جلد شروع ہوجائے گا۔
انہوں نے کہا کہ اگلا الیکشن نئی مردم شماری پر ہی ہوگا، اور جن سیاسی جماعتوں نے اس پر اعتراضات کیے تھے انہیں دور کرنے کی پوری کوشش کی۔
انہوں نے کہا کہ ایک ہفتے کے اندر ڈیجیٹل مردم شماری کا نوٹیفکیشن جاری ہوجائے گا جس کے بعد حلقہ بندیوں کے حوالے سے ایک لاکھ 85ہزار 509بلاکس کی تفصیلات الیکشن کمیشن کو فراہم کردی جائیں گی۔
مزید پڑھیں : پاکستان کی کُل آبادی کتنی ہے؟ ادارہ شماریات کی رپورٹ
ایک سوال کے جواب میں سربراہ ادارہ شماریات نے مزید کہا کہ نئی حلقہ بندیاں کرنا الیکشن کمیشن کا کام ہے، حلقہ بندیوں میں کتنا وقت لگے گا حتمی طور پر یہ بات الیکشن کمیشن ہی بتا سکتا ہے۔
