نیشنل انکیوبیشن سینٹر کوئٹہ پاکستانی نوجوانوں کیلئے امید کی نئی کرن ہے، اب تک 108 ’’Start Ups‘‘گریجویشن مکمل ہونے کے بعد ملک کے مختلف شعبوں میں اپنی خدمات انجام دے رہے ہیں۔

تفصیلات کے مطابق ایس آئی ایف سی اور وزارت انفارمیشن ٹیکنالوجی اینڈٹیلی کمیونی کیشن نوجوانوں کے روشن مستقبل کی راہ پر گامزن ہے۔

وزارت انفارمیشن ٹیکنالوجی کےقائم کردہ نیشنل انکیوبیشن سینٹر میں نئے آئیڈیاز کو عملی جامہ پہنانے کیلئےنوجوانوں کو تربیت دی جاتی ہے اور تربیت کے اختتام پر وہ اپنی صلاحیتوں کی بنیاد پر کامیاب پیشہ ورآئی ٹی ماہر بن کر ابھرتے ہیں۔

نیشنل انکیوبیشن سینٹر کوئٹہ میں بلوچستان کے نوجوان آئی ٹی کی دنیا میں نئے رجحانات متعارف کروارہے ہیں، نیشنل انکیوبیشن سینٹر کوئٹہ میں 207 ’’Start Ups‘‘مکمل ہوچکے ہیں۔

اب تک 108 ’’Start Ups‘‘گریجویشن مکمل ہونے کے بعد ملک کے مختلف شعبوں میں اپنی خدمات انجام دے رہے ہیں، یہ سینٹر اب تک تقریباً 370 ملین روپے کا منافع پیدا کرنے کے علاوہ 1060 افراد کو روزگار دے چکا ہے۔

ایس آئی ایف سی پاکستان کےنوجوانوں کوہرقسم کےہنرسےروشناس کراتےہوئےروزگارکےنئے مواقع فراہم کررہا ہے۔