امریکی پاپ گلوکار و اداکار نک جونس نے ساس مدھو چوپڑا سے بیٹی پریانکا چوپڑا کا رشتہ نہایت عاجزی سے مانگا تھا۔
بھارتی میڈیا رپورٹ کے مطابق اداکارہ پریانکا چوپڑا شادی سے قبل نک جونس نے اپنی مستقبل کی ساس ڈاکٹر مدھو چوپڑا سے ان کی بیٹی کا رشتہ مانگنے کے لیے بہت پیار اور نہایت عاجزی سے درخواست کی تھی۔
پریانکا کی والدہ مدھو چوپڑا نے کہا کہ ایک دن نک جونس نے مجھے کہا کہ میں آُپ کو لنچ پر لے جانا چاہتا ہوں اور پھر وہ مجھے لے گیا۔
ڈاکٹر مدھو کے مطابق وہاں پہنچ کر نک نے مجھ سے پوچھا کہ آپ نے پریانکا کے لیے کیسا لڑکا سوچا ہے؟ جس پر میں نے بتایا کہ فلاں فلاں باکسز ٹک ہونے چاہئیں۔
انہوں نے بتایا کہ نک نے میرا ہاتھ پکڑ کر کہا کہ میں وہ آدمی ہوں، کیا میں وہ شخص بن سکتا ہوں، اس کے بعد اس نے کہا کہ میں آپ سے وعدہ کرتا ہوں کہ ایک بھی باکس ’ان ٹک‘ نہیں ہوگا۔
پریانکا کی والدہ اس صورتحال پر کافی حیران ہوئی اور اس سب کچھ کے لیے میں تیار بھی نہیں تھی لیکن میں بہت خوش تھی کیونکہ اتنا ہینڈسم اور عمدہ لڑکا ہے۔
انہوں نے کہا کہ نک جونس کے بارے میں کچھ بتانا کافی مشکل ہے، اس وقت تک میں اسے سرسری سی جانتی تھی لیکن پھر بھی ایک تاثر تو قائم ہوتا ہے کہ وہ بہت اچھا لڑکا ہے۔
