اینٹیگا: پاکستان وومن کرکٹ ٹیم کی اسپنر ندا ڈار نے اہم اعزاز اپنے نام کرلیا ہے۔
تفصیلات کے مطابق پاکستان وومن کرکٹ ٹیم کی اسپنرندا ڈار ٹی ٹوئنٹی میں سو وکٹیں مکمل کرنے والی پہلی پاکستانی بولربن گئیں ہیں، نداڈار نے ویسٹ انڈیز کے خلاف میچ میں یہ سنگ میل عبور کیا۔
ویسٹ انڈیز کےجزیرے اینٹیگا میں کھیلےگئےمیچ میں ندا ڈار نےدو وکٹ حاصل کیں، ویسٹ انڈیز کی وومن ٹیم نےپاکستان کےخلاف میچ 10رنز سےجیتا۔
ندا ڈار نے کہا کہ اعزاز حاصل کرنے پر خوشی ہے، زیادہ خوشی ہوتی اگر پاکستان بھی میچ جیت جاتا۔
پاکستان کرکٹ بورڈ نے اہم سنگ میل عبور کرنے پر ندا ڈار کو خراج تحسین پیش کیا ہے، سماجی رابطے کی ویب سائٹ ٹوئٹر پر جاری آفیشل بیان میں پاکستان کرکٹ بورڈ نے انہیں سپر اسٹار کا لقب دیا۔
ندار ڈار نے نو سال قبل پاکستان کی جانب سے انٹرنیشنل ڈیبیو کیا۔آل راؤنڈر ندا ڈار اب تک پاکستان کی جانب سے کل 183 ایک روزہ اور ٹی ٹوئنٹی میچوں میں شرکت کرچکی ہیں۔
ندا ڈار ویمنز بگ بیش لیگ میں شرکت کرنے والی واحد پاکستانی خاتون کرکٹر بھی ہیں۔
Congratulations 🙌@CoolNidadar becomes the first Pakistan bowler to pick up 100 T20I wickets!#WIWvPAKW | #BackOurGirls | #HarHaalMainCricket pic.twitter.com/XgHFcc9k6J
— Pakistan Cricket (@TheRealPCB) June 30, 2021
