ابوجا: نائیجیریا میں مہنگائی کی وجہ سے ایمرجنسی کے نفاذ کا اعلان کر دیا گیا۔
غیر ملکی میڈیا رپورٹس کے مطابق نائیجریا کے صدر بولاتی نوبو نے جمعرات کو ملک میں فوڈ سیفٹی کو خطرے میں ڈالنے والے افراط زر کی وجہ سے ایمرجنسی کا اعلان کر دیا ہے۔
صدارتی ترجمان نے ابوجا میں پریس کانفرنس میں کہا ملک بھر کے عوام اشیائے خور و نوش کی قیمتوں میں بے پناہ اضافے کی وجہ سے شدید پریشان ہیں، اور صدر مملکت اس سے ناواقف نہیں ہیں۔
انھوں نے کہا کہ حکومت افراز زر کو روکنے اور عوام کو سستی اشیا کی بغیر رکے فراہمی جاری رکھنے کے لیے مختلف اقدامات کر رہی ہے، انھوں نے مزید کہا کہ ایمرجنسی کے اعلان کا مقصد اس بحران کو کم کرنے کے لیے دستیاب تمام وسائل کو جمع کرنا ہے۔
نائیجیرین حکومت کا کہنا تھا کہ زرعی شعبے کے لیے اسکیم بنائی جا رہی ہے جس کے لیے فنڈز کی فراہمی کے لیے ایندھن پر سبسڈی ختم کی جائے گی، کسانوں اور خاندانوں کو فوری طور پر کھاد اور اناج دیا جائے گا۔
