پشاور: نکہت اورکزئی کلاشنکوف لے کر پولنگ اسٹیشن پہنچ گئیں

پشاور: خیبر پختون خوا کی رکن اسمبلی نکہت اورکزئی کلاشنکوف لے کر پولنگ اسٹیشن پہنچ گئیں، تصویر سوشل میڈیا پر وائرل ہوگئی۔

اے آر وائی نیوز کےنمائندے ظفر اقبال نے بتایا کہ پاکستان پیپلز پارٹی سے تعلق رکھنے والی رکن کے پی کے اسمبلی نکہت اورکزئی نے خواتین کے ساتھ ساتھ مردوں کے پولنگ اسٹیشن کا بھی دورہ کیا اور اس دوران وہ کندھے پر کلاشنکوف لٹکائے گھومتی رہیں۔

نمائندے کے مطابق آج این اے فور میں ہونے والے ضمنی انتخاب میں پیپلز پارٹی اور عوامی نیشنل پارٹی کے درمیان سخت مقابلے کی توقع تھی اسی لیے مخالفین کو دباؤ میں لینے کے لیے کہ وہ کہیں جھگڑا نہ کریں، نکہت اورکزئی کلاشنکوف لیے گھومتی رہیں۔

یہ پڑھیں: پشاورضمنی الیکشن، دوپٹہ اتار کر کلاشنکوف چلا سکتی ہوں نکہت اورکزئی

 خیال رہے کہ چند ماہ قبلخیبر پختونخوا اسمبلی کے حلقہ 8 میں جاری ضمنی الیکشن میں خواتین کے ووٹ کاسٹ کرنے کے معاملے پر تنازع پیدا ہوگیا تھا تو نکہت اورکزئی نے دھواں دھار انٹری دیتے ہوئے پولنگ اسٹیشن سے تمام مردوں کو نکال کر خواتین سے ووٹ کاسٹ کروائے تھے۔

یہ بھی پڑھیں: جیتو پاکستان کے نام پر نکہت اورکزئی کو نوسر بازوں کا جھوٹا میسج

اس موقع پر اُن کا کہنا تھا کہ طالبان سے نہیں ڈری تو یہ سیاسی لوگ کیا چیز ہیں؟دوپٹہ اتار کر کلاشنکوف چلا سکتی ہوں،مجبو نہ کیا جائے۔

Comments