شوبز انڈسٹری سے وابستہ معروف سینیئر اداکارہ نشو بیگم نے اپنی بیٹی صاحبہ کے ساتھ اپنے پیچیدہ تعلقات کی اصل وجہ سے متعلق بتادیا۔
پاکستان شوبز انڈسٹری کی سینیئر اداکارہ نشو بیگم نے ایک یوٹیوب چینل کو ٹیلی فونک انٹرویو دیا جس میں انہوں نے کہا کہ ریمبو کی وجہ سے کئی ماہ سے اپنی بیٹی سے ملاقات نہیں کی۔
صاحبہ کی والدہ نشو نے کہا میں بہت عزت دار اور سیدھی سادی انسان ہوں، میں ان سے معافی بھی مانگ سکتی ہوں، لیکن میں نے کوئی غلطی نہیں کی تو معافی کیوں مانگوں؟ یہ ان کی غلطی تھی، وہ مجھے چھوڑ کر خوش ہیں تو رہنے دو، وہ اپنا گھر بچا رہا ہے اگر وہ مجھ سے نہیں ملنا چاہتے تو ٹھیک ہے۔
View this post on Instagram
اداکارہ کا کہنا تھا کہ میں نے فلم انڈسٹری میں تو راج کیا ہی ہے ساتھ ہی اپنے شوہر کے ساتھ باعزت زندگی گزاری ہے، میں نے پاشا صاحب کے ساتھ 30 سال تک ایک چوہدرانی بن کر زندگی گزاری ہے، وہ اپنے گاؤں کے چوہدری تھے، وہ چیئرمین عشر و اوقاف تھے، انہوں نے الیکشن بھی لڑا، وہ پائلٹ تھے، ہم اپنے گاؤں کی زمینوں میں جاتے تھے، بڑے نوکر چاکر میرے ارد گرد ہوتے تھے میں نے ایک لگژری زندگی گزاری ہے، میں نے اپنی بچی کو خوش حالی میں پالا ہے۔
میری بیٹی صاحبہ 8 ماہ سے مجھ سے نہیں ملی: نشو بیگم دوران شو آبدیدہ ہوگئیں
نشو بیگم نے کہا کہ صاحبہ اور ان کے شوہر کو میرے خلاف یوٹیوب پر ویڈیو پوسٹ نہیں کرنی چاہیے تھی، باوقار خاندان سے تعلق رکھنے والے لوگ سوشل میڈیا پر کھل عام بات نہیں کرتے، جب انہوں نے یو ٹیوب پر اس معاملات پر گفتگو کی تو میں نے بھی ویسا ہی کیا۔
View this post on Instagram
ماضی کی اداکارہ نے ایک اور سوال کا جواب دیتے ہوئے کہا کہ میرے دیگر دونوں بچوں کو میرے یوٹیوب چینل یا وی لاگنگ سے مسئلہ نہیں ہوتا، وہ میری بہت عزت کرتے ہیں، میرا چھوٹا داماد پڑھا لکھا ہے، انہیں بھی میری وی لاگنگ سے کوئی مسئلہ نہیں ہے، مسئلہ ریمبو کو ہے، میں دعا دیتی ہوں کہ ان کے بچے ان کی ساتھ اس طرح نہ کریں۔
