کراچی: شہر قائد میں نشتر پارک کے قریب ایک کار سوار کو ہدف بنا کر فائرنگ کی گئی ہے، جس میں شہری معجزانہ طور پر بڑے حادثے سے بچ گیا۔
تفصیلات کے مطابق کراچی میں نشتر پارک کے قریب نامعلوم افراد نے ایک کار پر فائرنگ کی، تاہم کار سوار معجزانہ طور پر بڑے حادثے سے بچ گیا، سولجر بازار کے علاقے میں پیش آنے والے واقعے کی سی سی ٹی وی فوٹیج سامنے آئی ہے۔
یہ واقعہ رات گئے سولجر بازار کے علاقے میں پیش ایا ہے، جس میں موٹر سائیکل سوار حملہ آوروں نے پہلے گاڑی پر گولی چلائی، جس پر کار سوار نے گاڑی بھگائی تو پیچھا کرتے ہوئے آئے۔
فوٹیج کے مطابق گاڑی جب کراسنگ پر دوسری گاڑی سے ٹکرا کر رک گئی، تو فائرنگ کرنے والے نے پھر اتر کر ایک گولی ماری اور پھر فرار ہو گئے،
سی سی ٹی وی میں ملزم کا چہرہ واضح دیکھا جا سکتا ہے، گولی لگنے سے 30 سالہ شخص مناہل زخمی ہو گیا ہے، انھیں فوری طبی امداد کے لیے اسپتال منتقل کیا گیا، جہاں ان کی حالت مستحکم ہے۔
پولیس حکام کا کہنا ہے کہ بظاہر لگتا ہے کہ مناہل کو ٹارگٹ کرنے کی کوشش کی گئی تھی، یہ بھی معلوم ہوا ہے کہ زخمی نوجوان این آئی سی وی ڈی میں ایڈمن ڈپارٹمنٹ کا ملازم ہے۔
