سری لنکن اوپنر پیتھوم نسانکا نے افغان بولرز کو نشانے پر رکھ لیا، تمام گیند بازوں کی درگت بناتے ہوئے شاندار ڈبل سنچری جڑ دی۔
تفصیلات کے مطابق سری لنکا اور افغانستان کے خلاف تین میچز کی ون ڈے سیریز کا پہلا مقابلہ پالے کیلے میں کھیلا جارہا ہے۔ میزبان اوپنر پیتھوم نسانکا نے اپنے کیریئر کی پہلی ڈبل سنچری اسکور کرتے ہوئے افغانستان کے بولرز کی درگت بنادی۔
نسانکا نے صرف 139 بالز پر 210 رنز کی یادگار اننگز کھیلی جبکہ انھیں کوئی بھی افغان بولرز آؤٹ کرنے میں ناکام رہا۔ ان کی اننگز میں 8 چھکے اور 20 چوکے بھی شامل تھے۔
سری لنکا کے دنوں اوپنرز اویشکا فرنینڈو اور نسانکا نے اپنی ٹیم کو 182 رنز کا اوپننگ اسٹینڈ دیا۔ فرنینڈو 88 رنز بنا کر آؤٹ ہوئے۔
Pathum Nissanka becomes the first-ever Sri Lanka batter to score a Men's ODI double hundred 🎉#SLvAFG pic.twitter.com/1VxXk664SQ
— ICC (@ICC) February 9, 2024
اوپنر کی ڈبل سنچری کی بدولت میزبان نے پہلے ون ڈے میں افغانستان کے مقررہ 50 اوورز میں 3 وکٹوں کے نقصان پر 381 رنز بنائے۔
افغانستان کی جانب سے فرید احمد نے کوٹے کے 10 اوورز میں 79 رنز دیتے ہوئے 2 وکٹیں اپنے نام کیں جبکہ محمد نبی کے حصے میں ایک وکٹ آئی۔