لاہور : معاون خصوصی فردوس عاشق اعوان نے کہا ہے کہ عدم اعتماد بچونگڑا پارٹی کا کھیل نہیں، عثمان بزدار کو وزیراعظم اور پی ٹی آئی کا مکمل اعتماد حاصل ہے۔
ان خیالات کا اظہار وزیر اعلیٰ پنجاب سردار عثمان بزدار کی معاون خصوصی برائے اطلاعات ڈاکٹر فردوس عاشق اعوان نے ٹوئٹر پر جاری بیان میں کیا، انہوں نے کہا کہ ایماندار وزیراعلیٰ عثمان بزدار کرپٹ اپوزیشن کو ہر وقت کھٹکتے ہیں۔
ان کا کہنا تھا کہ اپوزیشن کے غبارے سے پہلے کی طرح پھر ہوا نکلنے گی اور عثمان بزدار 2023 تک وزیراعلیٰ پنجاب رہیں گے۔
ایماندار وزیراعلی عثمان بزدار کرپٹ اپوزیشن کو ہر وقت کھٹکتے ہیں۔ عثمان بزدار کو وزیراعظم عمران خان اور پی ٹی آئی کا مکمل اعتماد حاصل ہے۔ عدم اعتماد بچونگڑا پارٹی کا کھیل نہیں۔ عثمان بزدار ہی 2023 تک وزیراعلی پنجاب رہیں گے۔ اپوزیشن کے غبارے سے پہلے کی طرح پھر ہوا نکلے گی۔
— Dr. Firdous Ashiq Awan (@Dr_FirdousPTI) March 10, 2021
معاون خصوصی برائے اطلاعات نے ٹوئٹر پیغام میں کہا کہ صادق سنجرانی نے ایوان بہترین انداز میں چلاکر سینیٹرز کا اعتماد حاصل کیا، اور صادق سنجرانی کے اسی غیرجانبدار روہے کی وجہ سے سینیٹرز انہیں چیئرمین سینیٹ منتخب کرانا چاہتے ہیں۔
انہوں نے مزید کہا کہ آزاد اراکین کی بدولت حکومت کا پلڑا بھاری ہے، انشااللہ صادق سنجرانی ہی چیئرمین سینیٹ منتخب ہوں گے۔
چیئرمین سینٹ صادق سنجرانی نے ایوان کو بہترین انداز میں چلا کر سینیٹرز کا اعتماد حاصل کیا۔ انکے غیرجانبدار رویے اور بہترین اخلاق کی بدولت سینیٹرز انہیں چیئرمین منتخب کروانا چاہتے ہیں۔ آزاد اراکین کی بدولت حکومت کا پلڑا بھاری ہے۔ انشاءاللہ صادق سنجرانی ہی چیئرمین سینٹ منتخب ہونگے۔
— Dr. Firdous Ashiq Awan (@Dr_FirdousPTI) March 10, 2021
