اسلام آباد : وزیراعظم عمران خان نے اپوزیشن کو دو ٹوک پیغام دیتے ہوئے کہا عدم اعتماد والے شوق پورا کرلیں، ہماری تیاری مکمل ہے۔
تفصیلات کے مطابق ویراعظم عمران خان کی زیر صدارت پی ٹی آئی کور کمیٹی کا اجلاس ہوا، اجلاس میں ملکی سیاسی صورتحال کا جائزہ لیا گیا۔
مشیر پارلیمانی امور ڈاکٹر بابر اعوان نے قانونی امور پر بریفنگ دی ، وزیراعظم عمران خان اجلاس کے دوران پر اعتماد نظر آئے۔
- Advertisement -
ذرائع کے مطابق وزیراعظم عمران خان نے اپوزیشن کو دو ٹوک پیغام میں کہا کہ عدم اعتماد والے شوق پورا کرلیں ہماری تیاری مکمل ہے ، جمہوری حکومت کو کوئی خطرہ نہیں۔
عمران خان نے اعلان کیا کہ چوروں کا ایجنڈا ناکام بنا دیں گے، جن کےمقدموں کوخطرہ ہے وہ لوٹی دولت کے ذریعے انقلاب نہیں لا سکتے۔
اجلاس میں وزیراعظم عمران خان نے جنوبی پنجاب صوبے کا بل قومی اسمبلی لانے کا فیصلہ کیا۔
