اتوار, مئی 19, 2024
اشتہار

ایشیا کپ کہاں اور کیسے ہوگا اس کا کوئی آسان جواب نہیں، نجم سیٹھی

اشتہار

حیرت انگیز

لاہور: پی سی بی مینجمنٹ کمیٹی کے چیئرمین نجم سیٹھی نے کہا کہ ہمیں بھارت کا مؤقف پتا ہے اس بات کو دھرانے کی ضرورت نہیں ہے ایشیا کپ کہاں ہوگا اور کیسے ہوگا اس کا کوئی آسان جواب نہیں۔

پاکستان کرکٹ بورڈ (پی سی بی) مینجمنٹ کمیٹی کے چیئرمین نجم سیٹھی نے لاہور میں پریس کانفرنس کرتے ہوئے کہا کہ افغانستان سیریز کیلئے سینئر کھلاڑیوں کو آرام دینے کی ضرورت ہے، نوجوان کھلاڑیوں کو موقع دینے کا فیصلہ کیا ہے۔

ایک سوال کے جواب میں پی سی بی کے چیئرمین نجم سیٹھی نے کہا کہ ایشیا کپ کافی سنجیدہ ایشو ہے، ابھی اس پر فیصلہ ہونا باقی ہے، ایشیا کپ کہاں ہوگا اور کیسے ہوگا اس کا جواب دینا آسان نہیں ہوگا۔

- Advertisement -

انہوں نے کہا کہ بھارت کامؤقف ہے کہ پاکستان میں نہیں کھیلیں گے ہے ایشیا کپ کو پاکستان سے منتقل کیاجائے، ہمارا مؤقف ہے بھارت ایشیاکپ کھیلنے نہیں آئیگا تو ہمیں بھارت میں ورلڈ کپ کھیلنے جانے پر سوچنا پڑےگا۔

نجم سیٹھی نے کہا کہ دونوں ملک کے درمیان میچز میں ایک آئی سی سی اور ایک اے سی سی  کا مسئلہ  ہے، یہ بہت سنجیدہ قسم کا ایشو ہے، دونوں سے بات کرکے کوئی پوزیشن لیں گے۔

 مینجمنٹ کمیٹی کے چیئرمین نجم سیٹھی نے کہا کہ بھارت جاکر ورلڈکپ کھیلنے کیلئےحکومت، سیکیورٹی ایجنسیز کا مؤقف سامنے رکھنا پڑےگا، اخباروں میں خبر چل رہی ہے کہ بھارت جاکر ورلڈکپ کھیلنے پر حکومت آمادہ نہیں لیکن اس بات ہونا باقی ہے۔

انہوں نے مزید کہا کہ بھارت نے سیکیورٹی کو ایشو بنایا ہوا ہے لیکن دنیا کی ٹاپ ٹیمیں کہتی ہیں کہ پاکستان میں کوئی سیکیورٹی کا ایشو نہیں ہے اور میں یہ سمجھتا ہوں کہ بھارت میں ہماری ٹیم محفوظ نہیں کیوں کہ وہاں کے حالات کے بارے میں سب جانتے ہیں۔

Comments

اہم ترین

مزید خبریں