ابوظبی: متحدہ عرب امارات کی حکومت نے مملکت میں ویزوں پر عائد جرمانے معاف کردئیے۔
گلف نیوز کی رپورٹ کے مطابق یو اے ای حکومت نے ویزوں پر عائد جرمانے معاف کردئیے، یہ فیصلہ کرونا وائرس کی وجہ سے جاری صورتحال کے تناظر میں کیا گیا۔
Brigadier General Al Kaabi: As per the directives of UAE President,His Highness Sheikh Khalifa bin Zayed Al Nahyan,holders of both residency and visit visas that expired in early March are exempted from fines.They have a three-month grace period to depart UAE starting May 18th.
— UAEGOV (@UAEmediaoffice) May 13, 2020
متحدہ عرب امارات میں مقیم غیرملکیوں کے ویزوں پر عائد جرمانے صدر شیخ خلیفہ بن زاید النہیان نے معاف کیے۔
حکم نامے میں کہا گیا ہے کہ یکم مارچ 2020 سے پہلے میعاد ختم ہونے والے افراد کو جرمانے ادا کرنے کی ضرورت نہیں ہے، میعاد ختم ہونے والی داخلی یا رہائشی اجازت نامے والے افراد جو 18 مئی کے بعد ملک چھوڑنے کے لیے تیار ہیں ان کا بھی مکمل جرمانہ معاف کردیا گیا ہے۔
ویزوں کے حوالے سے جاری نئے حکم نامے کا اطلاق اقامہ رکھنے والوں پر بھی ہوگا۔
حکام نے عوام سے اپیل کی ہے کہ وہ اپنی شناخت اور شہریت کی تصدیق کے لیے فیڈرل اتھارٹی کا اسمارٹ پلیٹ فارم استعمال کریں۔
فیڈرل اتھارٹی برائے شناختی اور شہریت کے ترجمان بریگیڈیئر خامس الکعبی نے کہا کہ نئے حکم سے فائدہ اٹھانے والے افراد پر داخلے پر پابندی نہیں ہوگی اور وہ دوبارہ ملک میں داخل ہوسکتے ہیں۔
ان کا کہنا تھا کہ اس فیصلے سے فائدہ اٹھانے والے کو ملک میں واپس آنے سے نہیں روکا جائے گا جب وہ قانون کی ددفعات کے مطابق داخلے کی شرائط کو پورا کرے گا، استفادہ کرنے والوں کے لیے داخلہ پر پابندی کا کوئی طریقہ کار نہیں ہے۔