بالوں کا گرنا آج کل ایک عام مسئلہ بن چکا ہے جس کی مختلف وجوہات ہوسکتی ہیں، بالوں کا گرنا روکنے کے لیے ڈاکٹرز کی مہنگی دوائیں کھانے کے بجائے گھر میں ہی اس مسئلے کا سدباب کیا جاسکتا ہے۔
اے آر وائی ڈیجیٹل کے مارننگ شو گڈ مارننگ پاکستان میں رانی آپا نے بال گرنے کا آسان علاج بتایا۔
ایلو ویرا جیل میں میتھی دانہ، دار چینی اور کمیلا بوٹی (تمام اشیا کا پاؤڈر) ایک ایک چائے کا چمچ ملا لیں، ان سب اشیا کو پیاز کے عرق میں مکس کریں۔
اب تل کا تیل یا سرسوں کا تیل 1 سے 2 چمچ فرائی پین میں ڈالیں اور یہ آمیزہ اس میں ڈال کر ہلکا سا گرم کرلیں۔
اب اسے سر پر لگائیں، پہلے بالوں کی جڑوں میں اچھی طرح سے لگا کر مساج کریں، اس کے بعد سروں پر لگا کر 2 گھنٹے کے لیے چھوڑ دیں۔ اس کے بعد صاف پانی سے دھو لیں۔
