The news is by your side.

Advertisement

جیمز بانڈ کی نئی فلم کا باکس آفس پر راج

ہالی ووڈ اداکار جیمز بانڈ ڈینیل کریگ کی نئی اور اپنی کیریئر کی آخری فلم ”نو ٹائم ٹو ڈائے” نے ریلیز کے پہلے پانچ روز میں 20 ارب سے زائد کا بزنس کرلیا ہے۔

یہ اعلان یونیورسل پکچرز کی جانب سے کیا گیا جس میں کہا گیا کہ اداکار ڈینیل کریگ کی آخری جیمز بانڈ فلم نے برطانیہ اور آئرش سنیما گھروں میں اپنے پہلے دن پانچ ملین پاؤنڈ کا بزنس کیا ہے۔

عالمی وبا کرونا کے باعث کئی بار تاخیر کا شکار ہوئی فلم کو تیس ستمبر کو ریلیز کیا گیا تھا، ریلیز سے ایک روز قبل اس کا رنگا رنگ پریمئیر ہوا، فلم نو ٹائم ٹو ڈائی کے پریمیئر میں شہزادی کیٹ میڈلٹن، شہزادہ ولیم اور پرنس چارلس کی شرکت نے چار چاند لگائے تھے۔

یہ بھی پڑھیں: جیمز بانڈ فلموں کے مرکزی کردار کو بڑا اعزاز مل گیا

فلم کا پریمیئر رائل البرٹ ہال میں ہوا، جس میں شاہی خاندان کے افراد نے خصوصی شرکت کی، گولڈن گاؤن پہنے شہزادی کیٹ میڈلٹن مرکز نگاہ رہیں، شہزادی کیٹ میڈلٹن ڈینیئل کریگ سے کافی متاثر نظر آئیں اور انہوں نے ان کے کام کو بھی خوب سراہا۔

دو ہفتے قبل جیمز بانڈ فلموں کے اداکار کو برطانوی رائل نیوی کو اعزازی کمانڈر بھی بنایا گیا ہے، واضح رہے کہ دنیا کے سب سے بڑے جاسوس کا کردار ادا کرنے والے ڈینیئل کریگ ریٹائرڈ ہو گئے ہیں جس کے بعد نئے جیمز بانڈ کی تلاش شروع کردی گئی ہے۔

Comments

یہ بھی پڑھیں