شوبز انڈسٹری کو خیرباد کہنے والی سابق اداکارہ نور بخاری نے ملک کی موجودہ سیاسی صورتِ حال کے پیشِ نظر سیاست دانوں کے نام اہن پیغام دیا ہے۔
فوٹو اینڈ ویڈیو شیئرنگ ایپلی کیشن انسٹا گرام پر سابق اداکارہ نور بخاری نے اسٹوری میں لکھا کہ مذہب کو سیاست میں کیوں لایا جاتا ہے، مجھے یہ بات سمجھ نہیں آتی۔
نور بخاری نے کہا کہ سب بڑی بڑی ہستیوں کا نام ایسے ہی لے رہے ہیں۔ انہوں نے درخواست کی کہ اللہ کے لیے مذہب اور سیاست کو ایک دوسرے سے الگ رکھیں۔
View this post on Instagram
اس سے قبل پاکستان کی سینئر اداکارہ ثمینہ پیرزادہ نے ملک کی موجودہ سیاسی صورتِ حال پر تبصرہ کیا تھا۔ ٹوئٹر پر ثمینہ پیرزادہ نے اظہارِ خیال کرتے ہوئے لکھا تھا کہ ہر حکومت کو اپنی 5 سالہ مدت پوری کرنی چاہیے اور اس کے بعد نئے عام انتخابات کرائے جانے چاہییں۔
ثمینہ پیرزداہ کا کہنا تھا کہ کہ ہمیں بحیثیت قوم نظام کو چلنے دینے کے لیے صبر کا مظاہرہ کرنا چاہیے، جمہوریت کو غالب آنے دیں، کبھی بھی نظامِ حکومت کو پٹڑی سے نہ اتاریں چاہے کچھ بھی ہو، اگر کچھ لوگوں سے متفق نہیں ہیں تو انہیں منتخب نہ کریں۔
Every government should complete its 5year tenure and then new elections should be held. We as a nation must have patience to let the system work. Let Democracy prevail. Let’s never derail the system no matter what. If we don’t agree with some people let’s not elect them
— Samina Peerzada (@SaminaSays) March 30, 2022
خیال رہے کہ نور بخاری نے 2017 میں پاکستان شوبز انڈسٹری چھوڑنے کا باضابطہ اعلان کیا تھا اور کہا تھا کہ وہ اب کسی ٹی شو یا فلم میں نظر نہیں آئیں گی۔
نور بخاری کا کہنا تھا کہ میری زندگی میں بہت سخت اور کڑے مراحل آئے اور میں ذہنی و جذباتی طور پر بے حد متاثر ہوئی ہوں لہٰذا اب میں نے دینی راہ اختیار کرنے کا فیصلہ کیا ہے۔
