کراچی: اداکار شہروز سبزواری کی ننھی شہزادی نورے شہروز نے گزشتہ روز فادرز ڈے کا جشن اپنے بابا کے ساتھ منایا جس کی ویڈیو وائرل ہوگئی۔
تفصیلات کے مطابق پاکستانی ڈرامہ انڈسٹری کے معروف اداکار شہروز سبزواری نے ننھی شہزادی نورے کے ساتھ فادرز ڈے سیلی بریٹ کیا اس موقع پر نورے کے دادا یعنی بہروز سبزواری بھی موجود تھے۔
ویڈیو میں دیکھا جاسکتا ہے کہ نورے ’کیک کاٹتے وقت ہیپی برتھ ڈے کہہ رہی ہیں جبکہ شہروز اور ان کے والد بہروز بھی خوشگوار موڈ میں دکھائی دے رہے ہیں۔
View this post on Instagram
A very Happy Father’s Day to all the Dads out there 🥳 – #fathersday2020 #everyday
دوسری ویڈیو میں نورے اپنے دادا اور دادی کے ساتھ ایک اور کیک کاٹ رہی ہیں، مداحوں کی جانب سے دونوں ویڈیوز کو خوب پسند کیا جارہا ہے اور نورے کو دعائیں دی جاری ہیں۔
واضح رہے کہ اس سے قبل سائرہ یوسف نے بھی فادرز ڈے اپنے والد کے ساتھ منایا تھا اس موقع پر بیٹی ان کی گود میں موجود تھیں اور وہ کافی خوش لگ رہی تھیں۔
سائرہ نے اپنی پوسٹ میں لکھا تھا کہ ’میرے والد سب سے زیادہ عام آدمی ہیں، وہ محبت کرتے ہیں، ہیرو ہیں، گانے گنگناتے ہیں اور کہانیاں بھی سناتے ہیں۔
یاد رہے کہ سائرہ یوسف شہروز سبزواری سے شادی کے بعد سے انڈسٹری سے دور ہیں، شہروز سے ان کی چند ماہ قبل علیحدگی ہوچکی ہے جبکہ شہروز سبزواری نے چند روز قبل ماڈل صدف کنول سے شادی کرلی ہے۔
سائرہ یوسف اور شہروز سبزواری کی ایک ننھی بیٹی نورے شہروز بھی ہے۔