معروف بھارتی اداکارہ جیکولین فرنینڈس اور نورا فتیحی کو 200 کروڑ فراڈ اور منی لانڈرنگ کیس میں طلب کرلیا گیا۔
بھارتی میڈیا رپورٹس کے مطابق اداکارہ نورا فتیحی اور جیکولین فرنینڈس کو قانون نافذ کرنے والے ادارے انفورسمنٹ ڈائریکٹوریٹ (ای ڈی) کے تفتیشی حکام نے طلب کیا گیا۔
اداکارہ نورا فتیحی آج صبح سکیش چندرا شیکھر فراڈ کیس کے سلسلے میں تحقیقات میں شامل ہونے کے لیے ای ڈی کے آفس پہنچیں۔
#NoraFatehi snapped entering the ED office in connection to the money laundering case pic.twitter.com/vmsJS4KHcZ
— @zoomtv (@ZoomTV) October 14, 2021
دوسری جانب اداکارہ جیکولین فرنینڈس کو بھی ای ڈی نے اسی کیس کے سلسلے میں تفتیش کے لیے طلب کیا جو اس سے قبل بھی شامل تفتیش ہوچکی ہیں۔
واضح رہے کہ سکیش چندرا شیکھر 200 کروڑ کے فراڈ اور منی لانڈرنگ کیس میں نامزد ملزم ہیں، اداکارہ جیکولین فرنینڈس اس شخص کی قریبی دوست اور پارٹنر لینا پال کے ذریعے شامل ہوئیں۔
بھارتی میڈیا کا کہنا تھا کہ سکیش چندرا شیکھر نامی شخص فراڈ کا ماسٹر مائنڈ ہے جو جیل کے اندر سے بھتہ خوری کا نیٹ ورک چلا رہا تھا اور اس نے ایک تاجر سے 200 کروڑ روپے بھتہ لیا تھا۔