اقوام متحدہ کی سلامتی کونسل کی پابندیوں کے باوجود شمالی کوریا نے درمیانی فاصلے کے حامل نئے سولڈ فیول ہائپر سونک میزائل کا کامیاب تجربہ کیا ہے۔

شمالی کوریائی خبر ایجنسی KCNA کا اس حوالے سے کہنا ہے کہ یہ تجربہ شمالی کوریا کے رہنما کم جونگ ان کی نگرانی میں کیا گیا ہے۔

کم جونگ ان کا اس حوالے سے کہنا ہے کہ مختلف فاصلے کے تمام ٹیکٹیکل، آپریشنل اور اسٹریٹجک گریڈ میزائلوں کو مکمل سولڈ فیول میں تبدیل کر دیا گیا ہے۔

اس سے قبل شمالی کوریا نے درمیانے فاصلے تک مار کرنے والے بلیسٹک میزائل کا بھی تجربہ کیا تھا۔

چین میں طوفانی بارشوں سے متعدد ہلاک ۔۔

اقوام متحدہ کی سلامتی کونسل کی پابندیوں کے باوجود شمالی کوریا میزائل اور جوہری ہتھیار بنانے میں مصروف ہے، ماہرین کا کہنا ہے کہ ٹھوس ایندھن والے میزائل مائع ایندھن کی مختلف حالتوں کے مقابلے میں تیزی سے لانچ کئے جاسکتے ہیں۔