The news is by your side.

Advertisement

شمالی کوریا کے اخبار نے میزائل تجربے کی تصدیق کر دی

پیانگ یانگ: شمالی کوریائی میڈیا نے تصدیق کر دی ہے کہ ملک نے آواز سے کئی گنا تیز رفتار میزائل تجربہ کیا ہے۔

تفصیلات کے مطابق شمالی کوریا کے حکمران ورکرز پارٹی کے اخبار رودونگ سنمُن نے بدھ کو تصدیق کی ہے کہ اس کے ملک نے نئے تیار کردہ، آواز سے کئی گنا تیز رفتار میزائل کا منگل کی صبح پہلی مرتبہ تجربہ کیا۔

خبر کے مطابق شمالی کوریا نے ‘ہواسونگ 8’ میزائل شمالی صوبے جاگانگ سے لانچ کیا تھا، جس سے قبل پارٹی کے ایک اعلیٰ عہدے دار اور شمالی کوریا کے سپریم لیڈر کِم جونگ اُن کے قریبی مشیر پاک جونگ چون نے میزائل لانچ کا مشاہدہ کیا۔

دفاعی سائنس دانوں نے میزائل کی پرواز کے راستے کے کنٹرول اور استحکام کے حوالے سے اطمینان کا اظہار کیا، انھوں نے میزائل کی رہنمائی کرنے والے نظام کی پینترے بازی اور الگ ہو کر گلائیڈ کرنے والے وارہیڈ کی خصوصیات، اور دیگر تکنیکی تفصیلات کی جانچ بھی کر لی۔

شمالی کوریا نے ایک اور بیلسٹک میزائل کا تجربہ کر لیا

شمالی کوریا نے دعویٰ کیا ہے کہ میزائل تمام مطلوبہ معیارات پر پورا اترا ہے، اور میزائل تجربہ ملکی دفاعی صلاحیت کی مزید بہتری میں اسٹریٹیجک اہمیت رکھتا ہے۔

واضح رہے کہ جاپان کے دفاعی وہائٹ پیپر میں کہا گیا ہے کہ ہائپرسونک میزائل ایک ایسا ہتھیار ہے، جو ماک فائیو سے زیادہ تیز رفتاری سے پرواز کرتا ہے، یہ آواز کی رفتار سے 5 گنا زیادہ تیز رفتار ہے۔

Comments

یہ بھی پڑھیں