انگلینڈ کے خلاف ڈیبیو میں تاریخ رقم کرنے والے مسٹری اسپنر ابراراحمد نے کہا ہے کہ میں کوئی جادوگر نہیں ہوں بس اپنی بولنگ سے کارکردگی دکھاتا ہوں۔
ملتان ٹیسٹ کے پہلے دن کھیل کے اختتام پر پریس کانفرنس کرتے ہوئے ابراراحمد نے کہا کہ سیفی بھائی نےکہا تھا گھبرانا نہیں ہے سرفرازاحمد نےحوصلہ بڑھایا اور کہا جیسے سندھ کیلئےکھیلتے ہوئے اسی طرح پرفارم کرنا ہے۔
انہوں نے کہا کہ ہمیشہ سےچاہتا تھا بین اسٹوکس اورجوروٹ کو آوٹ کروں ڈیبیو پر ہی ان کی وکٹ حاصل کی۔
Debutant Abrar Ahmed's press conference at Multan Cricket Stadium.#PAKvENG | #UKSePK https://t.co/Xn8ARtWtqm
— Pakistan Cricket (@TheRealPCB) December 9, 2022
ابراراحمد نے کہا کہ میرا اگلا ہدف ملتان ٹیسٹ کی دوسری اننگز میں بھی پانچ وکٹیں حاصل کرنا ہے میں کوئی جادوگر نہیں ہوں، میں صرف اپنی باؤلنگ سے کارکردگی دکھانے کی کوشش کرتا ہوں۔
انہوں نے مزید کہا کہ میں ایک پراسرار اسپنر ہوں لیکن میں گیند کی گرفت کے ساتھ تجربہ کرتا رہتا ہوں۔
