بالی ووڈ اداکارہ اروشی روٹیلا کا کہنا ہے کہ کیارا ایڈوانی کی ’گیم چینجر‘ فلاپ ہوگئی تو اس میں میری کیا غلطی ہے۔
اداکارہ اروشی روٹیلا اپنے بیانات کی وجہ سے اکثر لائم لائٹ میں رہتی ہیں، سیف علی خان پر حملے کی مذمت کرتے ہوئے اپنی گھڑی کا چرچے کی انہیں تنقید کا نشانہ بنایا گیا جس کے بعد اداکارہ نے معافی مانگی اور پھر معافی کی پوسٹ بھی ڈیلیٹ کردی۔
اب اروشی کے کیارا ایڈوانی کی حالیہ ریلیز ’گیم چینجر‘ کے بارے میں تبصرہ کرکے نیا تنازع کھڑا کردیا ہے۔
میڈیا سے گفتگو کے دوران اروشی روٹیلا سے سوال کیا گیا کہ وی چیم چینجر اور فلم ڈاکو مہاراج کے باکس آفس کلیش کو کیسے دیکھتی ہیں۔
اروشی روٹیلا نے کہا کہ شنکر سر بہت اچھے ڈائریکٹر ہیں میں نے ان کے ساتھ پہلے بھی ’انڈین 2‘ میں کام کیا ہے، میرے خیال ہے یہ پورا ہی گیم چینج ہوگیا ہے بالکل اس فلم کا بھی بہت زیادہ ہائپ تھا لیکن اگر کیارا ایڈوانی کی گیم چینجر فلاپ ہوئی ہے اور میری ڈاکو مہاراج بلاک بسٹر ہے تو یہ میری غلطی نہیں، تو مجھے نہیں سمجھ آرہا ہے یہ سارے ٹوئٹس کیوں ہورہی ہیں۔
سوشل میڈیا صارفین اروشی کو اس بیان پر تنقید کا نشانہ بنارہے ہیں، ایک صارف نے لکھا کہ اروشی کو بولنے سے پہلے دو بار سوچنا چاہیے۔
دوسرے صارف نے لکھا کہ کیارا ایڈوانی نے بہت سی ہٹ فلمیں کی ہیں اور یہ آپ کی صرف ایک ہی ہٹ فلم ہے اور وہ بھی لارڈ بوبی کی وجہ سے ہٹ ہوئی ہے۔
