کولمبو: قومی کرکٹ ٹیم کے سابق ہیڈ کوچ مکی آرتھر اور سری لنکن کرکٹر لاہیرو تھریمانے کورونا وائرس کا شکار ہوگئے۔

تفصیلات کے مطابق سری لنکن ٹیم کے ہیڈ کوچ مکی آرتھر اور سری لنکن کرکٹر لاہیرو تھریمانے کا ٹیم کے ہمراہ کورونا ٹیسٹ کیا گیا جس کے نتائج مثبت آئے ہیں۔

سری لنکن ٹیم اور کوچنگ اسٹاف کا کورونا ٹیسٹ اس وقت لیا گیا جب سری لنکن ٹیم دورہ ویسٹ انڈیز کے لیے تیاری کررہی ہے، دونوں ٹیموں کے درمیان رواں ماہ کے آخر میں سیریز کھیلی جائے گی۔

مکی آرتھر نے کورونا ٹیسٹ مثبت آنے سے متعلق کہا کہ مجھے نہیں معلوم میں کب اور کیسے کورونا میں مبتلا ہوا کیونکہ میں نے دورہ انگلینڈ کے بعد کسی قابل ذکر سرگرمی میں بھی حصہ نہیں لیا تھا۔

Thank you to everybody who has sent their wishes….not sure how I picked up Covid because I have not done much post the England series but just shows to everybody be careful and stay safe!

— Mickey Arthur (@Mickeyarthurcr1) February 4, 2021

ہیڈ کوچ کا کہنا تھا کہ اس سے ثابت ہوتا ہے کہ ہر کسی کو محتاط اور محفوظ رہنے کی بہت ضرورت ہے۔

دوسری جانب سری لنکن کرکٹر لاہیرو تھریمانے نے کورونا میں مبتلا ہونے کی اطلاع سماجی رابطے کی ویب سائٹ ٹویٹر پر دی۔

تھریمانے نے لکھا کہ میرا کورونا ٹیسٹ مثبت آیا ہے تاہم مجھ میں کورونا کی کوئی علامات نہیں پائی گئیں، یہ بھی معلوم نہیں کہ کورونا کا شکار کیسے ہوگیا۔

Hi guys got the news that I’m positive for covid 19. I have got zero symptoms and I still don’t know where I infected the virus. But I have been informed authorities necessary details to prevent it going to others. Stay safe people. ✌️🙏

— Lahiru Thirimanna (@thiri66) February 3, 2021