جماعت اسلامی کی درخواست پر الیکشن کمیشن کا نوٹس

الیکشن کمیشن نے بلدیاتی انتخابات میں جماعت اسلامی کی درخواست پر نوٹس لیتے ہوئے 6 یونین کونسلز سے متعلق کیسز 23 جنوری کو سماعت کے لیے مقرر کر دیے۔

الیکشن کمیشن سے جاری اعلامیہ کے مطابق کراچی میں بلدیاتی انتخابات میں 6 درج ذیل یونین کونسلوں

1۔ ضلع غربی- اورنگی- UC3
2. ضلع غربی – اورنگی- UC7
3. ضلع غربی – اورنگی- UC8
4. ضلع غربی – مومن آباد- UC3
5. ضلع غربی- منگھوپیر- UC12
6. ضلع شرقی – گلشن – UC1

میں بے قاعدگیوں سے متعلق جماعت اسلامی کی درخواست پر الیکشن کمیشن نے نوٹس لیتے ہوئے ان تمام کیسز کو سماعت کے لئے 23 جنوری کو الیکشن کمیشن میں مقرر کر دیا ہے۔
کیسوں میں صوبائی الیکشن کمشنر سندھ ، متعلقہ ڈسٹرکٹ ریٹرننگ افسران، ROs، جیتنے والے اور دوسرے نمبر پر آنے والے امیدواروں کو نوٹس جاری کئے گئے ہیں۔

Comments