اسلام آباد: وفاقی وزیر اطلاعات نے خبر دی ہے کہ پاکستان تحریک انصاف کے منحرف اراکین کو نوٹس جاری کر دیے گئے ہیں۔
تفصیلات کے مطابق فواد چوہدری نے ایک ٹوئٹ میں کہا ہے کہ پی ٹی آئی کے منحرف اراکین کو نوٹس جاری کر کے کہا گیا ہے کہ 7 دن میں اپنی پوزیشن واضح کریں۔
فواد چوہدری کے مطابق ایک ہفتے بعد منحرف اراکین کی نشستوں کو خالی قرار دینے کی کارروائی ہوگی، اور تمام اراکین تاحیات نااہل ہوں گے، انھوں نے یہ بھی کہا کہ مخصوص نشستوں پر نئے ارکان نامزد کیے جا رہے ہیں۔
تحریک انصاف کے منحرف اراکین کو نوٹس جاری کئے گئے ہیں اور سات دن کے اندر پوزیشن واضع کرنے کا کہا ہے ایک ہفتے بعد ان کی نشستوں کو خالی قرار دینے کی کاروائ ہوگی اور تمام اراکین تاحیات نااھل ہوں گے مخصوص نشستوں پر نئے ممبران نامزد کیے جارہے ہیں
— Ch Fawad Hussain (@fawadchaudhry) March 20, 2022
دوسری طرف آج وفاقی وزیر داخلہ شیخ رشید نے پریس کانفرنس میں کہا ہے کہ انھیں امید ہے کہ اتحادی جلد واپس آ جائیں گے، اور امید ہے منحرف اراکین میں سے بھی کچھ واپس آ جائیں گے۔
سندھ ہاؤس پر حملہ: 2 پی ٹی آئی ایم این ایز کے نام بھی ایف آئی آر میں شامل
