اسلام آباد : وزارت پارلیمانی امور نے قومی اسمبلی کی تحلیل کا نوٹی فکیشن جاری کردیا، گذشتہ روز صدر مملکت نے قومی اسمبلی تحلیل کی تھی۔
تفصیلات کے مطابق قومی اسمبلی کی تحلیل کا نوٹی فکیشن جاری کردیا گیا ، اسمبلی تحلیل کانوٹی فکیشن وزارت پارلیمانی امور کی جانب سے جاری کیا گیا۔
گذشتہ روز وزیراعظم شہبازشریف کی جانب سے قومی اسمبلی تحلیل کرنے کی سمری صدر مملکت عارف علوی کو ارسال کی تھی۔
- Advertisement -
صدر مملکت عارف علوی نے وزیراعظم شہبازشریف کی جانب سے بھیجی گئی سمری پر دستخط کئے ، جس کے بعد قومی اسمبلی تحلیل ہو گئی تھی۔
وزیراعظم کی ایڈوائس پر صدر نے آرٹیکل 58 (1) کےتحت قومی اسمبلی تحلیل کی، قومی اسمبلی تحلیل ہونےکےساتھ ہی وفاقی کابینہ بھی تحلیل ہو گئی۔
