The news is by your side.

Advertisement

اب ساری توجہ ساؤتھ افریقہ کے دورے پر ہے: سرفراز احمد

لاہور: قومی کرکٹ ٹیم کے کپتان سرفراز احمد کا کہنا ہے کہ ہمیں ماضی کی غلطیوں سے سیکھنا ہوگا، اب ساری توجہ ساؤتھ افریقہ کے دورے پر ہے۔

ان خیالات کا اظہار انہوں نے ایئرپورٹ پر میڈیا سے گفتگو کرتے ہوئے کیا، سرفراز احمد کا کہنا تھا کہ آگے کی سوچ لے کر جنوبی افریقہ جارہے ہیں۔

انہوں نے کہا کہ ساؤتھ افریقہ میں بہترین کھیل پیش کرنے کی کوشش کریں گے، ہمارے بیٹسمینوں کو ذمہ داری کا مظاہرہ کرنا ہوگا، اپنی اننگز کو لمبا کھیلنے کی کوشش کریں گے۔

ان کا کہنا تھا کہ ساوتھ افریقہ کی پچز باؤنسی ہیں، فاسٹ بولر کا کردار اہم ہوگا، ساوتھ افریقہ کیخلاف تینوں شعبوں میں بہتر کھیل پیش کرنا ہوگا، ہار پر تنقید سنی پڑتی ہے۔

طویل دورے کا باقاعدہ آغاز 19 دسمبر سے 3 روزہ وارم اپ میچ سے ہوگا، سیریز میں 3 ٹیسٹ، 5 ون ڈے اور 3 ٹی ٹوئنٹی شامل ہیں۔

سیریز کا پہلا ٹیسٹ 26 دسمبر سے سنچورین میں شروع ہوگا، 3 جنوری سے کیپ ٹاؤن میں دوسرا ٹیسٹ کھیلا جائے گا۔

دورے کا باقاعدہ آغاز 19 دسمبر سے 3 روزہ وارم اپ میچ سے ہوگا، سیریز کا تیسرا اور آخری ٹیسٹ گیارہ جنوری سے جوہانسبرگ میں شیڈول ہے، قومی کرکٹ ٹیم جنوبی افریقہ کے خلاف 5 ایک روزہ میچز کی سیریز بھیلے گی۔

پانچ میچوں کی سیریز کا پہلا ون ڈے 19جنوری کو کھیلا جائے گا، گرین شرٹس جنوبی افریقہ میں 3 ٹی ٹوئنٹی میچز کی سیریز بھی کھیلیں گے، جنوبی افریقہ کے طویل دورے کا اختتام 6 فروری کو ہوگا۔

قومی ٹیسٹ اسکواڈ میں سرفراز احمد، فخر زمان، شان مسعود، شاداب خان ،فہیم اشرف اور محمدعامر، امام الحق، اظہر علی، حارث سہیل، اسدشفیق، بابر اعظم، محمدرضوان، محمدعباس، حسن علی، شاہین آفریدی بھی شامل ہیں۔

Comments

comments

یہ بھی پڑھیں