The news is by your side.

Advertisement

ایٹمی جنگ خودکشی ہے، بھارت پاکستان کی صلاحیتوں کو جانتا ہے: وزیر خارجہ

ملتان: وزیر خارجہ شاہ محمود قریشی نے کہا ہے کہ ایٹمی جنگ خود کشی ہے، بھارت پاکستان کی صلاحیتوں کو جانتا ہے، دنیا بھی واقف ہے۔

اے آر وائی نیوز کے مطابق آج ملتان میں وزیر خارجہ نے میڈیا سے گفتگو کرتے ہوئے کا کہ دنیا سیاسی مصلحت سے کام نہ لے، کسی ملک کے دہشت گردی کو ہوا دینے سے زیادہ سنجیدہ کیا ہو سکتا ہے۔

انھوں نے کہا پاکستان اور بھارت جوہری قوتیں ہیں، دنیا کونوٹس لینا چاہیے، بھارت باقاعدہ منصوبہ بندی سے پاکستان میں عدم استحکام چاہتا ہے، بھارت نے اپنے اور پڑوسی ملک میں کیمپ بنا رکھے ہیں، ایک سیل بنا رکھا ہے جس کا مقصد سی پیک کو نقصان پہنچانا ہے۔

وزیر خارجہ اور آئی ایس پی آر ڈائریکٹر کی مشترکہ نیوز کانفرنس

شاہ محمود کا کہنا تھا کہ وزیر اعظم کو صدر اشرف غنی نے دعوت دی جو انھوں نے قبول کی، مستقبل قریب میں وزیر اعظم کا کابل جانے کا ارادہ ہے، افغانستان کا امن سب سے زیادہ اہمیت رکھتا ہے، افغانستان میں کوئی نقصان ہوتا ہے تو منفی اثرات پاکستان پر پڑتے ہیں، ہم کو ایک مشترکہ حکمت عملی اپنانا ہوگی۔

وزیر خارجہ نے کہا بھارت نے پاکستان میں ٹارگٹ کلنگ کے لیے منصوبہ تیار کیا اور پاک چین اقتصادی راہداری (سی پیک ) کو نقصان پہنچانے کے لیے ایک گروپ کو 80 ارب روپے دیے، معاملے کی سنگینی بھانپتے ہوئے صدر مملکت عارف علوی اور وزیر اعظم عمران خان نے خصوصی بیانات جاری کیے، بھارت گلگت بلتستان میں بھی امن و امان کی صورت حال کو خراب کرنے کے لیے تخریب کاروں کے ٹریننگ کیمپ چلا رہا ہے۔

Comments

یہ بھی پڑھیں