The news is by your side.

Advertisement

کراچی کے اسپتالوں میں کورونا سے متاثر مریضوں کی تعداد میں اچانک اضافہ

کراچی : سندھ حکومت کے زیر کنٹرول انفیکشن ڈزیز اسپتال میں کورونا سے متاثر مریضوں کی تعداد بڑھنے لگی ، ایک دن میں 26 مریضوں کو اسپتال لایا گیا۔

تفصیلات کے مطابق کراچی میں گلشن اقبال میں واقع سندھ حکومت کے زیر کنٹرول انفیکشن ڈزیز اسپتال میں کورونا سے متاثر مریضوں کی تعداد میں تیزی سے اضافہ سامنے آیا ہے۔

محکمہ صحت کے حکام نے بتایا کہ گذشتہ چوبیس گھنٹوں کے دوران26مریضوں کو داخل کیا گیا ہے، جس کے بعد اسپتال میں اس وقت کورونا مریضوں کی تعداد 82 ہوگئی ہے۔

حکام کے مطابق انفیکشن ڈیزیزڈیز اسپتال میں آئی سی یو میں مریضوں کی تعداد 32 ہو گئی ہے، اس وقت انفیکشن ڈیزیز اسپتال میں 7مریضوں وینٹیلیٹر پر ہیں۔

محکمہ صحت کا کہنا تھا کہ اسپتال میں اس وقت دو بچے بھی کورونا میں مبتلا ہوکر زیر علاج ہیں، چند دنوں میں آدھا اسپتال کورونا مریضوں سے بھر چکا ہے،

حکام نے بتایا کہ سندھ انفیکشن ڈیزیز اسپتال میں 155 مریضوں کے داخلے کی گنجائش ہے، 45 بیڈ آئی سی یو کے ہیں،اسپتال میں 8 بیڈ مریض بچوں کے لئے مختص ہیں۔

خیال رہے پاکستان میں کورونا کیسز کی شرح میں اضافہ جاری ہے اور کراچی میں کورونا مثبت آنے کی شرح تقریباََ 39 فیصد تک پہنچ گئی ہے۔

Comments

یہ بھی پڑھیں