صدر اوباما رواں ماہ امریکی ایٹمی حملوں کا نشانہ بننے والے جاپانی شہر ہیرو شیما کا دورہ کریں گے۔ صدر اوباما دور صدارت میں ہیرو شیما کا دورہ کرنے والے پہلے امریکی صدر ہوں گے۔
وائٹ ہاؤس نے کہا ہے کہ 21 سے 28 مئی تک ویتنام اور جاپان کے دورے کے اختتام پر بارک اوباما جاپانی وزیر اعظم کے ہمراہ ہیرو شیما کا دورہ کریں گے۔
BREAKING: @POTUS will be the first sitting U.S. President to visit Hiroshima on May 27 → https://t.co/2OsOLAslRa pic.twitter.com/Z2mh87dzSs
— White House Archived (@ObamaWhiteHouse) May 10, 2016
ہیرو شیما پر دوسری جنگ عظیم کے دوران امریکہ نے دنیا کا پہلا ایٹمی بم گرایا تھا۔
وائٹ ہاؤس نے بتایا کہ اوباما دورے سے جوہری ہتھیاروں کے بغیر دنیا میں امن اور سلامتی کو فروغ دینے کے عزم کو اجاگر کرنے کی کوشش کریں گے۔ اوباما کے مشیر بین رہوڈز نے اس امکان کی تردید کی ہے کہ اوباما ہیرو شیما اور ناگا ساکی پر بم گرائے جانے پر معذرت کریں گے۔
