بھارتی حکومت نے فحش مواد والی متعدد او ٹی ٹی پلیٹ فارمز، ویب سائٹس اور ایپس بند کر دیں۔
بھارتی میڈیا رپورٹس کے مطابق مرکزی وزارت اطلاعات و نشریات نے فحش مواد نشر کرنے والے 18 او ٹی ٹی پلیٹ فارمز، 19 ویب سائٹس اور 10 ایپس پر پابندی عائد کر دی۔
یہ قدم سوشل میڈیا اور او ٹی ٹی پلیٹ فارمز پر فحش مواد میں مسلسل اضافے کے پیش نظر اٹھایا گیا، اس سے قبل بھی مرکزی حکومت کئی بار ضابطے کی خلاف ورزی کی صورت میں او ٹی ٹی پلیٹ فارمز، ویب سائٹس اور یوٹیوب چینلز پر پابندی لگا چکی ہے۔
Ministry of I&B blocks 18 OTT platforms for obscene and vulgar content after multiple warnings; 19 websites, 10 apps, 57 social media handles of OTT platforms blocked nationwide, says the government. pic.twitter.com/03ojj3YEiF
— ANI (@ANI) March 14, 2024
وزارت اطلاعات و نشریات نے 57 سوشل میڈیا ہینڈلز کو بھی بلاک کر دیا ہے، وزارت کا کہنا تھا کہ ان سبھی آن لائن پلیٹ فارمز نے آئی ٹی ایکٹ اور انڈین پینل کوڈ کی خلاف ورزی کی، گزشتہ کئی سالوں سے یہ او ٹی ٹی پلیٹ فارمز اور ویب سائٹس خواتین کا تشخص خراب کرنے والا مواد دکھا رہی تھیں۔
واضح رہے کہ بلاک کیے گئے ہینڈلز میں کسی کے ایک کروڑ تو کسی کے لاکھوں یوزر تھے۔
