مقبوضہ کشمیر میں فائرنگ سے 26 سیاح ہلاک جبکہ 8 زخمی ہوگئے، فائرنگ کا واقعہ پہلگام کی بائی سرن وادی میں پیش آیا۔
بھارتی میڈیا نے بتایا کہ آج سہ پہر پہلگام، مقبوضہ کشمیر میں سیاحوں پر مبینہ حملہ ہوا جس سے 26 سیاح ہلاک اور 8 زخمی ہوئے، سیاحوں پر پہلگام کی بائی سرن وادی میں فائرنگ کی گئی، مقبوضہ کشمیر کے وزیراعلیٰ عمر عبداللہ کی جانب سے سیاحوں پر حملے کی مذمت کی گئی ہے۔
بھارت روایتی طور پرکسی غیر ملکی سربراہ کے دورے یا اہم موقع پر فالس فلیگ کا ڈرامہ رچاتا ہے، بھارت ڈرامہ رچاکر دنیا کی توجہ مقبوضہ کشمیرمیں قابو سے باہر سیکیورٹی حالات سے ہٹانا چاہتا ہے۔
ذرائع نے بتایا کہ سیاحوں پر مبینہ حملہ اس وقت کیا گیا جب امریکی نائب صدر بھی ہندوستان کا دورہ کررہے ہیں۔
اس سے پہلے بھی مودی حکومت سیاسی فائدہ حاصل کرنے کیلئے آپریشن کا ڈرامہ رچاتی رہی ہے، مودی حکومت اپنی ناکامیوں پر پردہ ڈالنے کیلئے متعدد بار فالس فلیگ آپریشن کاڈرامہ رچا چکی ہے۔
ذرائع نے بتایا کہ بھارتی میڈیا، را سے جڑے سوشل میڈیا اکاؤنٹس نے پاکستان کیخلاف زہر اُگلنا شروع کر دیا، حملے میں مذہب کا استعمال کرتے ہوئے غیرمسلموں کو نشانہ بنانے کا ڈرامہ بھی کیا گیا۔
مقبوضہ کشمیر میں سیاحوں پر حملے کے بعد حسبِ روایت بھارتی میڈیا کی جانب سے من گھڑت پروپیگنڈا جاری ہے۔
ذرائع نے مزید بتایا کہ بھارتی حکومت اور بھارتی فوج مقبوضہ کشمیر میں ظالمانہ پالیسیوں کی وجہ سے ناکام ہو چکی ہے۔
