کراچی: شہر قائد کے علاقے خیابان حلال میں تعمیراتی کام کے دوران زخمی نوجوان کو ایکسرے میں گولی لگنے کا حیرت انگیز انکشاف ہوا ہے۔
تفصیلات کے مطابق خیابان حلال میں فائرنگ سے ایک نوجوان زخمی ہو گیا ہے، تاہم نوجوان کو گولی لگنے کا علم اسپتال میں کیے گئے ایکسرے کے ذریعے ہوا۔
پولیس حکام کا کہنا ہے کہ زخمی نوجوان کی شناخت تنویر کے نام سے ہوئی ہے، جو ایک بلڈنگ میں دیگر مزدوروں کے ساتھ تعمیراتی کام کر رہا تھا، اس دوران وہ زخمی ہوا، نوجوان یہ سمجھا کہ اسے مشینری سے کوئی پتھر نکل کر لگا ہے۔
پولیس حکام کے مطابق زخمی نوجوان کو اسپتال لے جایا گیا، اور جب ایکسرے کرایا گیا تو پتا چلا اسے گولی لگی ہے، پولیس کا کہنا ہے کہ ممکنہ طور پر واقعہ ہوائی فائرنگ کی وجہ سے پیش آیا ہے جس کی تفتیش شروع کر دی گئی ہے۔
Comments
- Advertisement -
