کولمبو: پاکستان اور افغانستان کے درمیان تین ون ڈے میچز کی سیریز کا آخری میچ کھیلا جارہا ہے جس میں قومی ٹیم نے ٹاس جیت کر بیٹنگ کا فیصلہ کیا ہے۔
پاکستان اور افغانستان کے درمیان تین ون ڈے میچز کی سیریز کا آخری ون ڈے انٹرنیشنل میچ آج کولمبو میں کھیلا جارہا ہے جہاں قومی ٹیم پہلے بیٹنگ کرے گی۔
تیسرے ون ڈے میں قومی ٹیم میں چار تبدیلیاں کی گئیں، سعود شکیل، محمد نواز، فہیم اشرف اور محمد وسیم کو ٹیم میں شامل کای گیا ہے جبکہ افتخار احمد، نسیم شاہ، حارث روف، اسامہ میر کو آرام دیا گیا۔
ٹاس کے موقع پر بابر اعظم نے گفتگو کرتے ہوئے کہا کہ پہلے 10 اوورز میں بیٹنگ مشکل ہوگی، زیادہ رنز بنا کر افغانستان ٹیم کو مشکل میں ڈالنے کی کوشش کرینگے۔
اس سیریز میں پاکستان کو 0-2 کی فیصلہ کُن برتری حاصل ہے، تیسرا ون ڈے میچ جیت کر پاکستان ٹیم ون ڈے رینکنگ میں نمبر ون پوزیشن پر آ جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں