ریاض: سعودی وزارت حج و عمرہ نے عازمین کو مناسب سروس فراہم نہ کرنے پر ایک کمپنی کے چیف ایگزیکٹو اور اعلیٰ عہدیدار کو برطرف کردیا ہے۔
سعودی میڈیا کے مطابق وزارت حج و عمرہ نے یہ فیصلہ کمپنی کے بورڈ آف ڈائریکٹرز کے ساتھ مل کر کیا ہے۔ وزارت حج وعمرہ کا کہنا ہے کہ کمپنی کی جانب سے عازمین کو نامناسب سروس فراہم کی جارہی تھی، جس کی نشاندہی وزارت برائے حج و عمرہ کی موقع پر موجود ٹیموں نے کی تھی۔
وزارت کی جانب سے جاری بیان میں کہا گیا کہ برطرف ہونے والے عہدیداروں کی تحقیقات کی جائیں گی، جس کے بعد ان کیخلاف مزید کارروائی کا فیصلہ ہوگا۔
وزارت کا کہنا ہے کہ عازمین کو فراہم کردہ سروس میں کسی قسم کی کوتاہی نہیں برداشت کی جائے گی، حج کے دوران مختلف کمپنیوں کی جانب سے فراہم کردہ سروسز کو قریب سے مانیٹر کررہے تاکہ معیاری اقدامات کو یقینی بنایا جائے۔
Comments
- Advertisement -
