The news is by your side.

Advertisement

گیس بحران سنگین ہونے کا خدشہ، اوگرا نے خطرے کی گھنٹی بجادی

اسلام آباد : اوگرا نے گیس بحران سنگین ہونے کے خطرے کی گھنٹی بجادی اور کہا گیس شارٹ فال 10 سال میں 5ہزار389ایم ایم سی ایف ڈی تک بڑھنے کا خدشہ ہے۔

تفصیلات کے مطابق اسٹیٹ آف ریگولیٹڈ پٹرولیم انڈسٹری رپورٹ 19-2018 جاری کردی گئی ، جس میں کہا ہے کہ گیس فراہمی میں درآمدی ایل این جی کاحصہ 21 فیصد تک بڑھ گیا ہے۔

اوگرا نے خطرے کی گھنٹی بجاتے ہوئے کہا ہے کہ گیس شارٹ فال 10 سال میں 5 ہزار 389 ایم ایم سی ایف ڈی تک بڑھنے کا خدشہ ہے، شارٹ فال 2025 تک3 ہزار 684 ایم ایم سی ایف ڈی ہو جائے گا۔

رپورٹ میں کہا گیا ہے کہ شارٹ فال2019میں 1440ایم ایم سی ایف ڈی تھا جبکہ گیس کی مقامی پیداوار ضروریات کےلئے ناکافی قرار دی گئی ہے۔

اوگرا رپورٹ میں کہا ہے کہ 4ہزار 319 ایم ایم سی ایف ڈی گیس فراہم کی جارہی ہے، سندھ 46 فیصد ، خیبرپختونخوا12فیصد اور بلوچستان 11 فیصد گیس فراہم کررہا ہے۔

رپورٹ میں مزید کہا گیا ہے کہ 2024تک گیس کی طلب5ہزار332ایم ایم سی ایف ڈی ہوجائے گی۔

Comments

یہ بھی پڑھیں