اسلام آباد : ملک میں سیلاب آیا تو پیٹرول اور ڈیزل کی قلت بھی ہوجائے گی۔ اوگرا نے سب کو آگاہ کردیا.
تفصیلات کے مطابق سیلاب کے دوران ملک میں پٹرول وڈیزل کی قلت کا خدشے کے پیش نظر اوگرا نے پیشگی نوٹس جاری کردیا ہے۔
اس حوالے سے تمام آئل مارکیٹنگ کمپنیوں کو وارننگ جاری کردی گئی ہے، اوگرا کے نوٹس کے مطابق محکمہ موسمیات نے آئندہ دو ماہ کے دوران ملک میں سیلاب کی پیش گوئی کی ہے، لہٰذا آئل مارکیٹنگ کمپنیوں میں سیلابی صورتحال سے پہلے پیٹرول وڈیزل کا وافراسٹاک یقینی بنایا جائے۔
اوگرا نے نوٹس میں ہدایت کی ہے کہ تمام آئل مارکیٹنگ کمپنیاں 20 روز کیلئے پٹرولیم مصنوعات اسٹاک کریں، ساتھ ہی خبردار بھی کردیا ہے کہ اگر سیلاب کے دوران پیٹرول و ڈیزل کی قلت پیدا ہوئی تومتعلقہ کمپنی کے خلاف سخت قانونی کارروائی عمل میں لائی جائے گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں