The news is by your side.

Advertisement

اوگرا کی پیٹرولیم مصنوعات کی قیمتوں میں 15 روپے تک کمی کی تجویز

اسلام آباد: آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں 15 روپے تک کمی کی تجویز دے دی۔

تفصیلات کے مطابق اوگرا کی جانب سے پیٹرول 9 روپے 50 پیسے سستا کرنے کی تجویز دی گئی ہے، ہائی اسپیڈ ڈیزل کی قیمت 15 روپے کم کرنے کی سفارش کی گئی ہے۔

اوگرا کی جانب سے لائٹ ڈیزل کی قیمت میں 2 روپے کمی جبکہ مٹی کے تیل کی قیمت میں 25 پیسے فی لیٹر کمی کی تجویز دی گئی ہے۔

پیٹرولیم مصنوعات کی قیمتوں میں ردوبدل کی سمری وزارت پیٹرولیم کو ارسال کردی گئی ہے، نئی قیمتوں میں ردوبدل کی تجویز یکم جنوری کے لیے دی گئی ہے۔

پیٹرولیم مصنوعات کی قیمتوں سے متعلق حتمی فیصلہ وزارت خزانہ کی جانب سے کیا جائے گا جبکہ قیمتوں کا اطلاق یکم جنوری سے ہوگا۔

یہ پڑھیں: پیٹرولیم مصنوعات: اوگرا کی قیمتیں بڑھانے کی سمری، وزیر خزانہ کا نرخ کم کرنے کا عندیہ

واضح رہے کہ گزشتہ ماہ اوگرا کی جانب سے 9 روپے 91 پیسے تک پیٹرولیم مصنوعات کی قیمتیں مہنگی کرنے کی سفارش کی گئی تھی تاہم وزیر خزانہ اسد عمر نے قیمتیں کم کردی تھیں۔

Comments

comments

یہ بھی پڑھیں