ایران کیخلاف اسرائیلی جارحیت میں شدت آنے کے بعد او آئی سی وزرائے خارجہ کا 2روزہ اجلاس ہفتہ کو استنبول میں شروع ہوگا۔
تفصیلات کے مطابق او آئی سی وزرائے خارجہ اجلاس میں نائب وزیراعظم اسحاق ڈار پاکستان کی نمائندگی کریں گے، متعدد وزرائے خارجہ سے سائیڈ لائن پرملاقاتیں کرینگے، افتتاحی اجلاس سے ترکیہ کے صدر رجب طیب اردوان خطاب کریں گے۔
پاکستانی وفد کی اقوام متحدہ میں او آئی سی ممالک کو بھارتی جارحیت پر بریفنگ
ہفتہ کی سہ پہر ایران کے خلاف اسرائیلی جارحیت کے تناظر میں او آئی سی وزرائےخارجہ کا خصوصی سیشن ہوگا، سعودی وزیرخارجہ فیصل بن فرحان، او آئی سی سیکریٹری جنرل طحہٰ ابراہیم حسین ودیگر بھی خطاب کرینگے۔
نائب وزیراعظم اسحاق ڈار اجلاس میں شرکت کےلیے کل استنبول پہنچیں گے، اسحاق ڈار اجلاس میں ایران پر حملوں سے متعلق پاکستانی موقف بیان کرینگے۔
iran israel تمام خبریں
ایران کے وزیرخارجہ عباس عراقچی سے نائب وزیراعظم اسحاق ڈار کی ملاقات ہوگی، اسحاق ڈار کی سعودی وزیرخارجہ فیصل بن فرحان سے بھی ملاقات طے ہے جبکہ وہ بنگلادیش کے مشیر خارجہ توحید حسین سے بھی ملاقات کریں گے۔
آزربائیجان، ترکیے، ملائشیا، مصر، کویت اور دیگر ملکوں کے نمائندوں سے بھی ملاقاتیں طے ہیں جبکہ او آئی سی رابطہ گروپ برائے کشمیر کا اجلاس اتوار کو ہوگا۔
ٹرمپ نے ایران پر حملے کے منصوبے کو منظور کرنے کی خبر مسترد کر دی
