رواں مالی سال 2018-19ء کی پہلی ششماہی ( جولائی تا دسمبر 2018ء) کے دوران تیل کی درآمدات میں 15فیصد اضافہ ہوا۔

ادارہ شماریات کے جاری کردہ اعداد و شمار کے مطابق رواں مالی سال 2018-19ء کی پہلی ششماہی ( جولائی تا دسمبر 2018ء) کے دوران 7ارب 66کروڑ 50 لاکھ ڈالر کی پیٹرولیم مصنوعات درآمد کی گئیں۔

یہ درآمدات گذشتہ مالی سال 2017-18ء کی پہلی ششماہی ( جولائی تا دسمبر 2017ء) کے دوران کی گئی 6ارب 67کروڑ 50 لاکھ ڈالر کی پیٹرولئیم مصنوعات کی درآمدات سے 99کروڑ ڈالر زائد رہیں۔

اس طرح گذشتہ سال کے مقابلے میں رواں سال کی پہلی ششماہی کے دوران 14.83فیصد زائد پیٹرولئیم مصنوعات درآمد کی گئیں جبکہ روپے کی قدر کے لحاظ سے یہ اضافہ 39.86فیصد زائد رہا۔